A VALENZÁ-SAN BENITO DE COVA DE LOBO-A VALENZÁ
Dificultade técnica: Moderada
Distancia: 9,89 km
Tempo: 2 horas, 11 minutos
Saíndo desde A Valenzá con dirección As Lamas (Parada) avistamos a Roca do Tangaraño, asentada na cima do monte fronte ao Santuario de San Bieto. Trátase dun enorme bolo granítico onde brota unha auga milagrosa á que, segundo as crenzas populares, atribúense milagres e curacións. Atravesando o bosque chegamos á capela e visitamos a cama de San Benito, outra roca coa forma do santo. Tras a visita, seguimos polo límite entre o noso concello e Toén, ata Barbadás, pasando por rúas medievais onde poderemos observar brasóns incrustados nas antigas casas nobres do municipio. Xa camiño de Vos Muíños (aldea abandonada), avistamos a súa fervenza para partir seguindo o regacho Barbañica ou dos Muíños ata A Valenzá.
BARBADÁS-OS CASTROS-A PONTE
Dificultade técnica: Moderada
Distancia: 31,22 km
Tempo 1 hora, 57 minutos
Ruta rodadora con saída desde Barbadás, pasando o campo de fútbol. Subimos aos Castros desde Barbadás, ata pasar preto da base de helicópteros, para xa comezar a baixada ata Toén e desde aquí cara a Alongos, pasamos por Reza, zona de Outariz (por á beira da vía do tren) e por último A Ponche. Ruta moi sinxela e practicamente todo por pista, quintando algún pequeno carreiro e por último, o tramo de Alongos a Reza (estrada).
Á VALENZÁ - OS CASTROS -Á VALENZÁ
Dificultade técnica: Moderado
Distancia: 29,15 km
Tempo 1 hora, 46 minutos
Dende Barbadás, collemos a pista forestal que nos leva ata Sobrado do Bispo, para entrar polos montes da Vaqueriza ata os Castros. Unha forte subida dun desnivel de 300 metros, dende o comezo ata ese lugar que garda vestixios de asentamentos prerromanos. Despois, continuamos por pistas forestais, deixando a un lado Loiro, para continuar por sendeiros arborados seguindo o regato dos Muíños, que da bo exemplo do seu nome, xa que no seu curso poderemos atopar varias destas antigas construccións. Chegando ó Pontón remataremos o percorrido en Barbadás, dando por completado o circuito. Con 635 metros de altitude sobre o nivel do mar, os Castros representa un dos lugares privilexiados para contemplar unha ampla perspectiva.
A VALENZÁ-MIRADOR DEL MIÑO-PIÑOR
Dificultade técnica: Moderado
Distancia: 12,13 km
Tempo: 3 horas, 6 minutos
Ruta sen señalización. Nalgúns tramos non hai nin camiño. A subida ao miradoiro do Miño faise bastante dura. O resto moi agradable. Ultímaa parte por estrada non é aconsellable. Non hai beirarrúas. Púxenme morao a comer froitos dos madroños. Moi ricos.